Kyrping

Like fullt er Kyrping eit gammalt knutepunkt i ferdsla frå Stordalen og Litledalen til bygdene på nordsida av fjorden. Men framfor alt låg Kyrping sentralt i hovudvegen austover mot Røldal; gjennom Stordalen og framom garden Øyno. Frå Bergen og fjordbygdene nordanfor kom dei som skulle på pilegrimsferd til jonsokmessa i Røldal - og i seinare hundreår - til Røldalsmarknaden.

Kyrping har ei god hamn. Her har bøndene på øvre og nedre Sævareid frå gammalt hatt nausta sine, men også Etnefolket nytta sjøvegen frå Kyrping.