Reinsnos

Garden høyrde under Halsnøy kloster og vart nemnd som «ødejord» tidleg på 1600-talet. Livet var hardt her oppe under høgfjellet, men her er gode fiskevatn og fine fjellbeite. Opp mot fjellet Reinsnosa ligg «Nosastølen»; eit heilt stølstun i stein. Ein av dei gamle ferdslevegane austover, «Kongsbergvegen», går framom Reinsnos.

Ein annan ferdsleveg, som truleg går attende til mellomalderen, går frå Odda og vidare innover på vestsida av Sandvinvatnet. Eit spor etter mellomalderens tjodveg, ålmannavegen, frå Hardanger til Røldal, finn vi i Tjodaminnet, eit trongt pass ved Seljestadstølane.